A ferida aberta

A ferida aberta componse dunha cincuentena de poemas, que combinan o radical intimismo que adoita caracterizar a poesía do autor coas preocupacións sociais do noso tempo ou a reflexión sobre o feito poético en si. O libro está construído cunha linguaxe aparentemente sinxela, coa cal Rafa Vilar pretende construír un universo poético íntimo e delicado, evocador e cheo de matices. Presenzas como o mar, a chuvia ou a propia ferida que dá título ao conxunto son elementos centrais na poética do libro.

Así, A ferida aberta é unha nova singradura na poesía de Rafa Vilar, unha poesía que o autor concibe como un acto de linguaxe, de comunicación e reflexión sobre as cousas da vida e as angueiras do noso tempo.