Un galego no Camiño Portugués

Diario de abordo da peregrinaxe polo Camiño Portugués, no que o autor acompaña o seu relato de fotografías e mapa do itinerario seguido, exercendo como un auténtico guía turístico-histórico para o lector. Un xeito de percorrer a beleza e a historia desta ruta atlántica a través da mirada dun peregrino en bicicleta, que irá decatándose de que diferente é a realidade, un país que apenas coñecen os que habitan estas rexións meridionais, aparentemente tan próximas e, non obstante, ás veces tan remotas. Unha viaxe presente, percorrendo a pegada do pasado, a historia de dous pobos irmandados, o portugués e o galego, tan semellantes e tan dispares, cun único fin; lograr a ansiada Compostelá.