Memorias dun profesor

Libro de relatos no que se recompilan diversas historias vividas de preto pola figura dun profesor quen, xubilado, rememora todas esas experiencias acontecidas na súa traxectoria laboral.

(...) Para min foi a pinga que encheu o vaso. Varios días estiven pensando no pasado: o verán do amor do 67, a psicodelia, os Beatles... Fora todo aquilo unha ilusión? Non o sei, pero estaba covencido de que, se me comprometía, as cousas poderían cambiar. Tiña que render tributo a eses tempos, non podía claudicar, os meus alumnos necesitaban un sopro de osíxeno para prender a chama que todos levaban dentro, e eu debía dárllelo. Dende ese momento fun consciente do que tiña diante cada día do meu traballo. Debía tratar de evitar outros "Danis". Prohibinme, entón, o luxo de desanimarme, e con esa idea continuei ata xubilarme.