Deza Augusta

“Deza Augusta” pretende dar luz a unha realidade histórica na que, como se de un arqueólogo se tratase analiza a orixe da toponimia para determinar o porqué desa nomenclatura; chegando a conclusións tales como que o primixenio nome da Bandeira sería Deza e, como “Civitas Deza”, capital da Gallaecia.

Nun concello como o de Silleda, cuberto por vinte séculos de lenta pero continua evolución da fala, atópase un importantísimo patrimonio toponímico derivado do latín e, en menor medida, do xermánico. Sacar á luz este patrimonio e a partir del, deducir como foi (ou puido ser) a realidade viaria, militar, política e social deste concello en tempos tan lonxanos é o propósito desta obra.