Una ventana en el alma

Neste poemario, Carmen Castro presenta versos cheos de sentimentos e experiencias perennes que tecen un autorretrato persoal marcado por un pasado inmediato desalentador, un presente ilusionante, e un futuro esperanzador ao que lle abre "Una ventana en el alma".

As ilustracións de José Antonio Fondevila iluminan a escrita de Carmen. Dous trasdezaos que se unen para compartir con nós dúas maneiras de entender e relacionarse co mundo: o debuxo e a poesía. É de sobra coñecido o talento nas artes plásticas do amigo Fondevila, e, dende agora, o dote lírico de Carmen, que non ía ser poeta, pero un día (afortunadamente) o seu corazón espertou.

Esa bailarina na que os seus ollos refulxen vida e a súa alma está cargada de beleza. Esa nena que sorrí mentres observa os pétalos das camelias alfombrando o chan trala choiva. Esa adolescente que loita polos seus soños a contra vento ansiando que o seu reloxo avance lentamente.