Carme

Novela que reproduce a soidade da emigración galega dende a visión dos que quedaban na terra, esas mulleres que agardaban na casa, coidando dos fillos e sobrevivindo mentres o marido se vía obrigado a emigrar na procura dun futuro mellor alén dos mares, neste caso, a Cuba. Unha vintena de cartas de amor, de ida e de volta -as poucas-, entre Carme e o seu marido Manuel. Un libro no que o paso de tempo trae consigo a dor e a amargura dunha espera, un regreso que nunca chega. Unha muller marcada pola soidade, obrigada a sentirse forte e loitadora por un fillo. Unha “viúva de vivo”, como tantas outras, nos tempos da miseria.